Twitter Facebook
Nahuatl
Millahcochquetl

Tlapouhquetl: Yanopa millah, millah  cochiyaya tlen itatah  nopa muchacho, millah cochi. Quicuah toctli. Cahuayohmeh. Yohuih tlayohua. Quicuah toctli. Huan quitl ya yohui nopa tlen tetah axquemman quinmelahua cahuahyohmeh. Yohui tlacuatoquehya zo tlaxtle  catzan(iuhcatzan) cochtoc, tlacuah. Huanquinon, quiillia nopa imuchachoh:
Telpocatl: Papah, xinechcohuilli ce fiolin, ce cuaciyah tlen huihtzo.
Tlapouhquetl: Quetl quillia. Quicohuillih ce cuaciyah tlen huihtzo
Telpocatl: Huan ce violín xiccohua. Nitlatzotzonaz, nitlatzotzonaz huan quemman pan nimotetoniz pan nopa cuaciyah como quipiya  ihuihtzo nechtzopiniz.  Huanquinon nitlachixtehuaz.
Tlapouhquetl: Quetl quillia.

Itatah: huan nelliya on. Quillia. ¿Nelliya ticochiti o axcanah?
Tlapouhquetl: Quetl quillia.
Tlacatl: Quena.
Telpocatl: Nelliya nicochiti na.

Tlapouhquetl: Quetl quillia. Nelliya quicohuilih ce cuaciyah tlen quipiya ihuihtzo. Huan quitzopiniz quemman motetoniz pan cuaciyah huan ce fiolin. Quemman quetl cochiya quitl ontlachixtehuaz. Huan quemman quetl quincacqui cahuayohmeh ya quetl quixolehuah cercah. Huan tlacuah cahuayohmeh. Nahuih, nahuih hualohuih. Huanquinon, quel tlaquetzato campa quetl nopa panoqueh huan quetl quintotocac tlayohua. Axtlen, huan quinmahmatito. Quemman panotoh campa tlapouhtoc cercah mahcic ce.
Ya axcanah yanopa, inca no, hueliz axnelli criztianoz, pero cuah nopa quena quichqueh, quichqueh criztianoh. Mochihuah pero ceyoc tlamantli. Ya quetl mochiuhqueh criztianoz. Quetl quinohnozquehya, quiilliqueh para ma axcanah, ma axcanah quinilpih, ma axcanah quinmaquilih. Inihhuantin cuicazceh, quiillia quitl.

Cahuayoh: “Amo xitechmaquilih, tohhuantih quena titlacuayayah ni, como tohhuantin axticmatih acquiya iteco ni toctli. Tohhuantin ticcuah.”
Tlapouhquetl: Quetl quiihtoah.
Mazatl: “Naman timitzhuicazceh muchachoh.”
Telpocatl: Amo hombreh. Na nopapah nechcauhtoc ma ni millahcochi, ma niquitta tlen  tlen quiitlacohtoqueh.

Cahuayoh: “Naman xiccahua motatah tlan mitzcauhtoc nican. Naman tino… tinohuanyaz.”
Tlapouhquetl: Quetl quillia. Cuicaqueh. Axtlen.
Mazatl: Naman ne timitzmactilitih miyac tequitl.
Tlapouhquetl: Quillia quitl.

Cahuayoh: “Timitzchihuazceh ticahuayoh, timitzchihuazceh tipiyoh, timitzchihuazceh titoroh.”
Tlapouhquetl: Quetl quillia.
Mazatl: Tictlaliz carrerah, titlahtlaniz.
Tlapouhquetl: Quetl quillia.
Mazatl: Yanopa timitzmachtizceh.
Tlapouhquetl: Quetl quillia.

Caballo: Timitzchihuazceh focoh, titlahuiaz cualli.
Tlapouhquetl: Quillia quitl. Huan nopa quetl yahqui cocuetztzin, quemman mocuapato tlacatl. Quichihuayayah cahuayoh, quichihuayayah cuapelech. Ca motlanih, tlatlanih quetl  cahuayoh quichihua pochquitic. Quel piltorohtzin nouhquiya quitl quichihua yon axcanah cualli torohmeh, torohmeh tlatlanih. Ya quetl huanquinon quinillia nopa tlen quitequihuia tlacouhquetl:
Tlacouhquetl: Timechcohuilizceh. ¿Ne inmocahuayo axinquinamacah?
Tlacatl: Amo axcanah ticnamacah, ne titecohuiah.
Tlapouhquetl: Quetl quillia. Nopa gallo nouhquiya quinequih quicohuazceh. Axcanah axcanah quinamacah huan quence quitequihuihquehya, quimachtihquehya huallahquiya nopa muchacho. Ahcicoh ichan axcanah quixmatih inanan,
Tlapouhquetl: Quillia quitl,
Toahui: Ximocehui tocompah, ximocehui. Axacah motlayi.

Tlapouhquetl: Quitl quillia. Ya iconeuh.
Telpocatl: “Axcanah mah. Ni na  nihuallahquiya.”
Tlapouhquetl: Quitl quillia.
Telpocatl: “¿Axinnechixmati?, huan na, naya  innechcauhtoya ne millan na nimillacochiyaya.”  
Tlapouhquetl: Quetl quillia inanan,
Toahui: “Amoh, axnimitzixmati.”
Tlapouhquetl: Quillia.
Telpocatl: Na innechcauhtoyah millah, na nicochiyaya noceltih.
Tlapouhquetl: Quetl quillia.
Telpocatl: Nechhuicatoya huahca.
Tlapouhquetl: Huanquinon, quetl quillia
Toahui: Huenoh, ¿huahca ta nican tiehhua?
Tlapouhquetl: Quetl quillia inanan. Naneh ontizqui nelliya, pampa ahcicohya iconeuh quiicnelticah huan quetl itatah ya axacan axacan. Ahcicoh quitl quillia.
Tlacatl: ¿Ni quenque neltitlamacatoc ne nitotlayih? ¿quenque para ticalaquihtoc caltic?  

Tlapouhquetl: Tlacuahtihcan tlacuahticah. Quetl quillia.
Toahui: Amo amo xicualani ne toconeuh.
Tlapouhquetl: Quetl quillia.
Tlacatl: Pendeja.

Tlapouhquetl: Quetl quillia itetahtzin.
Toahui: Ni toconeuh ahcicoya tlen huahcaquiya ticpoltoqueh yon na ayoc niquixmatiyahya. Tlapouhquetl: Quetl quillia nopa itenantzin.
Tlacatl: ¿Huan nelliya?
Toahui: Quena cuah. Xictlahpaloti ne moconeuh.
Tlapouhquetl: Quetl quillia. Quitl quillia.
Telpocatl: Niahcicoya pah.
Tlapouhquetl: Quillia quitl.
 
Tlacatl: ¿Huan canqueh ticalactoya?,
Telpocatl: Mmmm, na nechhuicatoyah huahca. Titlacuazceh. Ma titlacuacan huan tizanilozceh. Nimitztliz queniuhqui nitequitiyaya.
Tlapouhquetl: Quetl quillia.

Telpocatl: Queniuhqui tictlanqueh tomin.
Tlapouhquetl: Quetl quiillia. Tlanqueh tlacuah huan zampa quetl peuhqueh mozanilhuiah.  Quillia quitl. Quimachtitohqueh para toroh, quimachtitohqueh para cahuayoh,   quimachtitohqueh para piyo. Tlatlanih.
 Telpocatl: Naman tlan canahya mochihuaz  na na nimochihuaz nicahuayo. Titlatlaniz, tictlaniz tomin.
Tlapouhquetl: Quitl quillia.
Telpocatl: Naman nieliz nitoroh, nicahuayoh, nicuapelech. Nochi nictlaniz nochin tictlaniz tomin.
Tlapouhquetl: Quetl quillia.
Tlacatl: ¿Huan nelliya?
Telpocatl: Quena cuah.
Tlapouhquetl: Quitl quillia.
Telpocatl: Huan nimitztliz quenihcatzan.
Tlapouhquetl: Quitl quiillia. Nelliya quetl canahya mochihua. Quetl tlatlanih. Quiilliah quetl nopa itatah
Tlacouhquetl: ¿Axticnamacaz ne mocahuayoh? Tlahuel tlatlani.
Tlacatl: Axcanah, axcanah nicnamacaz.
Tlapouhquetl: Zampa quetl quemmantica mochihua toroh.

Tlacouhquetl: ¿Axticnamacaz ne toroh tlen tlahtlani?
Tlacatl: Amoh. Axcanah nicnamacaz
Tlacouhquetl: ¿Huan ne mogayoh axticnamaca?
Tlacatl: Ne nopa axcanah axcanah nicnamaca.
Tlapouhquetl: Yanopa ica tequitiyaya. Ya axcanah maz huey nopa totlayi tlen mocuapayaya pan miyac tlamantli. Micqui pero teipanya. Teipanya zan campahueli tlatlantinemiyaya, zan campa hueli tequitiyaya. Quehuac tequitl quichiuhqui miyac tequitl. Miyac tlamantli mocuapayaya. Miyac tlamantli miyac tlamantli mocuapayaya. Nopa tlen inon millah cochiyaya.